Amérika we qirghizistan ikki terep ortaq yosunda térorchiliqqa qarshi turushni teshebbüs qildi

Amérikining bir neper aliy derijilik emeldari düshenbe küni qirghizistan prézidénti esqer aqayéf bilen körüshkende, ikki döletning térrorchiliqqa qarshi hemkarliqni téximu ilgiri sürüshni tekitlidi.

Amérika birleshme axbarat agéntliqining xewirige qarighanda, amérika tashqi ishlar ministirligining yawro-asiya ishlirigha mes'ul mu'awin ministiri lora kénédiy, aqayéf bilen körüshüp, amérikining qirghizistan bilen térrorchiliqqa qarshi hemkarliqni kücheytip, rayonning bixeterlikini ilgiri sürüshni xalaydighanliqini bildürgen.

Qirghizistan amérikining afghanistan urushini yéqindin qollap, amérika armiyisige qirghizistan paytexti béshkekning etrapida baza qurup bergen bolup, bu ikki dölet munasiwitide zor ilgirlesh hasil qilghan idi.

Esqer aqayéf buninggha jawaben amérika emeldarigha, qirghizistanning amérika bilen dawamliq hemkarlishishni xalaydighanliqini bildürdi. Shundaqla u yene yéqinda kélidighan prézidént saylimi toghrisida söz qilip, " qirghizistan bu qétimliq prézidént saylimini roshen, dimokratik we ochuq élip bérishqa pütün küchi bilen tirishiwatidu " dep bildürdi. (Eqide)