Qirghizistan amérikining manas aydurumini dawamliq ishlitige qoshuldi


2005.04.14

Amérika dölet mudapi'e ministiri donald ramsfild qirghizistan paytexti béshkekni ziyaret qilip, amérika qisimlirining béshkektiki manas hawa armiye bazisini dawamliq ishlitish toghrisida qirghizistan da'irilirining maqulliqini aldi.

Ramsfild, peyshenbe küni béshkekdiki ziyariti jeryanida qirghizistan prézidénti baqiyéw bilen söhbet ötküzdi. Ular, qirghizistandiki amérika herbiy bazisining orni mesilisini muzakire qilghan. Baqiyéw muxbirlarni kütüwélish yighinida, amérika afghanistandiki amérika qisimlirigha arqa sep yardimi bérish wezipisini ötewatqan bu bazini dawamliq ishletse bolidu, dep körsetti. Biraq u, ramsfild bilen amérikining awaks belgililik charlighuchi ayrupilanlirini qirghizistan'gha orunlashturush toghrisida muzakire élip barghanliqini ret qilghan.

Ramsfild, béshkekke kélishning aldida afghanistan bilen pakistanni ziyaret qildi. U afghanistanda prézidént karzay bilen bixeterlik mesililirini shundaqla afghanistandiki amérika qisimlirining kélechigini muzakire qildi. Prézidént karzay, " afghanlarning amérika bilen ornatqan istratégiyilik bixeterlik munasiwiti, afghanistanning öz özini mudapi'e qilishida pewquladde ehmiyetke ige," dep tekitligen.

Ramsfild qirghizistan'gha yoluqushning aldida pakistanni ziyaret qilip, prézidént perwiz musherref bilen söhbet élip bardi. Pakistan amérikining terorizimgha qarshi küreshtiki muhim ittipaqdishi. Ramsfild qirghizistanda bu yerdiki amérika qisimlirini yoqlidi.

Fransiye axbarat agéntliqining xewer qilishiche, hazir amérikining qirghizistanda 1000 neper eskiri turmaqtiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.