Америка ярдәмчи ташқи ишлар министири қирғизистанни зиярәт қилди


2005.10.07
Share on WhatsApp
Share on WhatsApp

Америка ташқи ишлар министирлиқиниң ярдәмчи ташқи ишлар министири роберт җосеф, җүмә күни қирғизистанни зиярәт қилип, қирғизистан даирилири билән қорал - ярақларни контрол қилиш вә бихәтәрлик мәсилилири бойичә сөһбәт елип барди.

Роберт җосеф қирғизистан баш министири феликс қулов билән өткүзгән сөһбитидин кейин мухбирларни күтүвелип, " зияритимниң принсипал мәқсиди қирғиз һөкүмити билән қирғинчилиқ характерлик қоралларниң тарқилишини, шуниң билән биргә башқурулидиған бомбиларниң йөткилишини тосуш бойичә һәмкарлиқимизни қандақ кеңәйтиш тоғрисида сөзлишиш," дәп көрсәтти.

Униң тәкитлишичә, улар експорт мәһсулатлирини тәкшүрүш, бихәтәрлик қисимлириниң чегра мудапиәсини күчәйтиш мәсилилирини музакирә қилған.

Феликс қулов, "биз қирғинчилиқ характерлик қоралларниң тарқилишиға қарши барлиқ тәдбирләрни алимиз," деди. Җосефниң ашкарилишичә улар йәнә, америка ташқи ишлар министири кондилиза райисниң келәр һәптә қирғизистанға қилидиған зияритини музакирә қилған. У, райисниң зиярити " бизниң һәр җәһәттики истратегийилик мәнпәәт мунасвитимизниң күчлүк икәнликини көрситиду " дәп әскәртти. Кондилиза райисниң қирғизистан, таҗикистан, афғанистан қатарлиқ оттура асия әллиридә елип баридиған зиярити келәр һәптә башлиниду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.