Amérika yardemchi tashqi ishlar ministiri qirghizistanni ziyaret qildi


2005.10.07
Share on WhatsApp
Share on WhatsApp

Amérika tashqi ishlar ministirliqining yardemchi tashqi ishlar ministiri robért joséf, jüme küni qirghizistanni ziyaret qilip, qirghizistan da'iriliri bilen qoral - yaraqlarni kontrol qilish we bixeterlik mesililiri boyiche söhbet élip bardi.

Robért joséf qirghizistan bash ministiri féliks qulow bilen ötküzgen söhbitidin kéyin muxbirlarni kütüwélip, " ziyaritimning prinsipal meqsidi qirghiz hökümiti bilen qirghinchiliq xaraktérlik qorallarning tarqilishini, shuning bilen birge bashqurulidighan bombilarning yötkilishini tosush boyiche hemkarliqimizni qandaq kéngeytish toghrisida sözlishish," dep körsetti.

Uning tekitlishiche, ular éksport mehsulatlirini tekshürüsh, bixeterlik qisimlirining chégra mudapi'esini kücheytish mesililirini muzakire qilghan.

Féliks qulow, "biz qirghinchiliq xaraktérlik qorallarning tarqilishigha qarshi barliq tedbirlerni alimiz," dédi. Joséfning ashkarilishiche ular yene, amérika tashqi ishlar ministiri kondiliza rayisning kéler hepte qirghizistan'gha qilidighan ziyaritini muzakire qilghan. U, rayisning ziyariti " bizning her jehettiki istratégiyilik menpe'et munaswitimizning küchlük ikenlikini körsitidu " dep eskertti. Kondiliza rayisning qirghizistan, tajikistan, afghanistan qatarliq ottura asiya elliride élip baridighan ziyariti kéler hepte bashlinidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.