Amérika musulmanliri kéngishi oshni ziyaret qildi


2006-04-02
Share

Ottura asiya jumhuriyetlirini ziyaret qilip, u jaydiki musulmanlarning ehwali heqqide chüshenchilerge ige bolush hem ottura asiya musulmanliri bilen amérika musulmanliri arisidiki munasiwetlerni ilgiri sürüsh meqsitini emelge ashuruwatqan amérika musulmanliri ijtima'iy kéngishining diréktori exmed yunus qirghizistanning jenubiy wilayetlirini jümlidin osh qatarliq jaylarni ziyaret qilghan.

Amérika musulmanlirining yuqiri rehberliridin hésablinidighan exmed yunus osh shehiridiki qirghiz-özbek uniwersitéti qatarliq ilim yurtlirini ziyaret qilip, amérikidiki islam dinining tarixi shuningdek amérika musulmanlirining ehwali heqqide professor we oqughuchilargha melumat bergen.

Perghane agéntliqining uchuridin qarighanda, exmed yunus yene muxbirlar bilenmu uchriship, ularning so'allirigha jawab bergen.

Qirghizistanning jenubidiki osh qatarliq jaylar köpinche gherb döletlirining ademlirini barmasliqqa dewet qilidighan nuqtilardur. Bu rayondiki ahalilarning dini étiqadi qirghizistanning bashqa jaylirigha qarighanda küchlükrek bolup, diniy pa'aliyetler ewji alghanliqi üchün gherb doletliri jümlidin rusiye we xitaymu perghane wadisining weziyitige melum derijide diqqet étibarini bermekte.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet