Qirghizistan yéngi hökümiti aqayéw jemetining mal mülkini musadire qilishi mumkin
2005.04.01
Qirghizistan yéngi hökümiti, 24 - marttiki xelq herikitide aghduruwétilgen qirghizistan prézidénti aqayéw a'ilisining mal - mülkini musadire qilishni pilanlighan shundaqla eger aqayéw qirghizistan'gha qaytip kelse, " puqralarning uni parche - parche qiliwétidighan" liqini agahlandurghan.
Roytérs axbarat agéntliqining xewer qilishiche, yéngi hökümettiki ministirlar aqayéwqa yumshaq qolluq qilishni ret qilmaqtiken. Biraq xelq'ara kélishtürgüchiler, yéngi hökümettiki da'irilerni aqayéwning qaytip kélishige yol qoyup, weziyetni tinchlandurushqa ündimekte. Amma ministirlar, aqayéw we a'ilisining qirghizistanda xiyanetchilik bilen soda impériyisi qurup chiqqanliqini ilgiri sürgen. Biraq aqayéw yuqiriqi eyipleshlerni ret qildi. Aqayéw, bir bina öy shundaqla bir mashinisidin bashqa mal - mülki yoqliqini tekitligen.
Tashqi ishlar ministiri roza otanbayéwa, "undaqta aqayéwning mashinisini moskwagha ewetip béreyli, bashqa nersiler u, a'ilisi shundaqla uning dostliri teripidin bulang - talang qilin'ghan qirghiz xelqi bilen qalsun," dédi
. Qirghizistan parlaméntining bashliqi tekebayéw, " aqayéwning dölitige qaytip wezipisidin istipa bérishi, bu yil 6 - ayda ötküzülidighan prézidénti saylimining qanuniliqini qoghdash üchün zörür," dep körsetken. Amma rora otanbayéwa, hökümet aqayéwning bixeterlikige kapaletlik qilalmaydighanliqini bildürdi. U, " biz hemmimiz uning bixeterlikidin ensirewatimiz. Eger u qaytip kelse, xelqning uni parche - parche qiliwétishini xalimaymiz," dep körsetti.
Da'irilerning ashkarilishiche, saqchilar aqayéw a'ilisining mal -mülkini éniqlashqa baghlighan. (Erkin)
Munasiwetlik maqalilar
- Herqaysi terepler esqer aqayéfning istipa bérishini telep qilmaqta
- Béshkektiki Uyghurlar yette milyon dollar ziyan'gha uchrighan
- Qirghizistan waqitliq hökümiti aqayéfning bixeterlikige kapaletlik qilmaqchi
- Qirghizistandiki Uyghur sodigerler qéyin ehwalda qaldi
- Qirghizistandiki weqelerning tesiri mesilisi