Әсқәр ақайеф вәзиписидин истипа беришкә қошулди


2005.04.03
Share on WhatsApp
Share on WhatsApp

Қирғизистанниң ағдурулған президенти әсқәр ақайеф йәкшәнбә күни вәзиписидин рәсмий истипа беришкә қошулди. Буниң билән қирғизистанда һәптиләрдин боян давамлишип келиватқан сиясий муқимсизлиққа хатимә берилди.

Франсийә ахбарат агентлиқиниң хәвиригә қариғанда, москваға қечип беривалған әсқәр ақайеф йәкшәнбә күни қирғизистан парламентиниң вәкилләр өмики билән үч саәтчә сөһбәт өткүзгәндин кийин, вәзиписидин рәсмий истипа беришқа қошулған. Буниң бәдилигә, қирғизистан парламенти әсқәр ақайефниң бихәтәрликигә капаләтлик қилишқа вәдә бәргән.

Хәвәрдә ийтилишичә, әсқәр ақайефниң вәзиписидин истипа бериш мурасими дүшәнбә күни өткүзүлидикән.

Әсқәр ақайеф 24 - март күнидики кәң хәлқ наразилиқ һәрикитидин кийин, бешкәктин қечип кәткән иди. Қирғизистан асасий қанунида, президент чоқум парламент алдида истипа бериши бәлгиләнгән. Бирақ әсқәр ақайефниң қирғизистанға қайтип кәлгәндин кейинки бихәтәрликини көздә тутуп, қирғизистан асасий қанун соти, әсқәр ақайефниң сүргүндә туруп истипа беришини тәстиқлиған.

Әсқәр ақайефниң истипа беришкә қошулуши, қирғизистанниң йеңи рәһбәрлириниң қанунлуқ орнини техиму мустәһкәмләп, 26 - июн күнигә бекитилгән президент сайлимиға йол ечип бәрди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.