Aqayéf xizmitidin resmiy istipa berdi


2005.04.04
Share on WhatsApp
Share on WhatsApp

Mejburiy texttin chüshürülgen qirghizistan prézidénti esqer aqayéf düshenbe küni xizmitidin resmiy istipa berdi. Buning, mezkur ottura asiya dölitining muqimliqigha bir yaxshi tesir körsitidighanliqi mölcherlenmekte.

Amérika birleshme agéntliqining xewirige qarighanda, esqer aqayéf qirghizistan waqitliq hökümitining wekilliri bilen körüshkendin kéyin, düshenbe küni moskwada murasim uyushturup, istipa bérish höjjitini qirghizistan parlaméntining bayanatchisi ömürbek tékébayéfqa sun'ghan. Bu höjjet seyshenbe künidin bashlap küchke ige bolidiken.

Esqer aqayéf istipa bérish murasimida yene qirghizistan xelqighe 20 minutluq söz qaldurghan. Emma waqitliq hökümet hazir buni qirghizisitan téléwizorida bérish-bermeslik heqqide téxi bir qarargha kelmigen.

Qirghizistandiki öktichilerning 24 - mart künidiki inqtilawiy herikiti sewebidin, esqer aqayéf dölitini tashlap rusiyige qéchip ketken bolup, hoquqni tartiwalghan waqitliq hökümet prézidénti qurmanbek baqiyéf esqer aqayéwning istipa bérishini qarshi aldi hemde uni qirghizistan'gha emdi qaytip kelmeslikke agahlandurdi. Chünki ular aqayéf qaytip kelse, buning qirghizistanning dölet ichidiki muqimliqi we bixeterlikike tehdit élip kélishidin endishe qilidu.

Qirghizistandiki yéngi prézidént saylimi 6 - ayning 26 - künige békitilgen bolup, aqayéfning istipa bérishi, saylamning ongushluq élip bérilishigha yaxshi yol achti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet