Qirghizistan parlaménti esqer aqayéfning istipasini qobul qilishni kéchiktürdi


2005.04.07
Share on WhatsApp
Share on WhatsApp

Qirghizistan parlaménti aghdurulghan prézidént esqer aqayéfning istipasini qobul qilishni yene kéchiktürdi. Parlamént ezalirining bildürüshiche, ular esqer aqayéfning istipasini qobul qilishtini burun, uning sabiq prézidéntliq salahiyiti bilen ige bolidighan alahide imtiyazlirini bikar qilishni xalaydiken.

Amérika birleshme axbarat agéntliqining xewrige qarighanda, qirghizistan parlaméntining ezaliri, jüme küni qayta yighip échip, esqer aqayéfning istipasini qobul qilishni muzakire qilmaqchi we bu arqiliq yéngi prézidént saylimigha yol achmaqchi bolghan.

Qirghizistan parlaménti peyshenbe küni yene 26 - iyun künige békitilgen yéngi prézidént saylimini bikar qilghan. Uning bildürüshiche, qirghizistan parlaménti esqer'aqayéfning istipasini qobul qilghandin kiyin, andin prézidént saylimining yéngi waqit jedwilini békitidiken.

Aghdurulghan qirghizistan prézidénti esqer aqayéf ikki hepte awwal rusiyige qéchip ketken idi. Esqer aqayéfning istipa bérish nutuqi tartilghan sin'alghu lintisi peyshenbe küni qirghizistan parlaméntida qoyulghan. U istipa bérish nutuqida " men hichqandaq wijdan azabi tartmay wezipemdin istipa bériwatimen, chünki men qolumni öz xelqimning qéni bilen boyimidim, ichki urushning aldini aldim " dégen.

Bu sin'alghu lintisi düshenbe küni moskwada tartilghan. Qirghizistan parlaméntining wekilliri uning bilen moskwada söhbet ötküzgendin kiyin, esqer aqayéf düshenbe küni wezipisidin istipa bergen idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet