Qazaqistan import béjini östürdi

Qazaqistan da'iriliri yéqinda xitaydin import qilidighan mallargha qaratqan tamozhna béjini٪ 30 östürdi.

Xitay metbu'atlirining düshenbe küni xewer qilishiche, qazaqistan tamozhna da'iriliri 10 - ayning 14 - künidin bashlap, xitaydin import qilin'ghan mallargha qarita bajni östürüpla qalmastin, yene mallarning qachilinishigha qattiq teleplerni qoyghan. Shu künila torghat éghizi arqiliq xitaydin kirgen belgilimidin artuq yük qachilan'ghan 67 dane yük aptomobilini qayta qachilighuzup, tamozhna resmiyetlirini ötigendin sirt, bashqa artuqche yük qachilan'ghan aptomobillarni birdek chigradin kirgüzmigen.

Xitay da'iriliri xewerde qazaqistanning nime üchün tosattin xitaydin import qilidighan mallargha tamozhna béjini östürgenliki we bu yéngi belgilimining xitay- qazaqistan sodisigha qandaq tesir élip kélidighanliqi heqqide melumat bermigen.

Xewerde iytilishiche, nöwette nurghun xitay shirketliri mallirini awal qirghizistan'gha apirip, andin qazaqistan'gha toshimaqta iken. (Arzu)