Qazaqistandiki balqash köli tehditke uchrimaqta

Tetqiqatchilar qazaqistandiki balqash kölining qurup yoqilish tehditige uchrawatqanliqini agahlandurdi. En'giliye b b d radi'o - téléwiziyisining xewirige qarighanda, ottura asiyadiki tötinchi chong köl hisablan'ghan balqash kölining süyi ötkenki nechche on yil ichide jiddiy töwenlep ketken.

Xewerning mutexesislerning sözini neqil keltürüshiche, su yüzining töwenlep kétishi qismen jehettin normal bolsimu, emma asasliqi insanlarning pa'aliyiti keltürüp chiqarghan. Xewerde éytilishiche, balqash kölining asasliq menbesi ili deryasi bolup, nöwette xitay hökümiti gherbni échish éhtiyajini qandurush üchün derya süyini tarmaq éqinlargha éqitip, balqash kölige qoyulishini tosimaqta.

Qazaqistandiki muhit asrighuchilar, xitayning bu qilmishining rayonning ékélogiyilik tengpungliqigha éghir ziyan séliwatqanliqini bildürdi hemde balqash kölining qurup kétishining xitayghimu oxshashla paydisiz ikenlikini körsetti.

Yerlik bi'ologiye mutexessislirining mölcherlishiche, balqash kölining qurup kétishi keltürüp chiqiridighan ékélogiyilik xewpi dunyadiki eng éghir ékilogiyilik apettinmu chong bolushi mumkin iken.

Eger xitay éli deryasining süyini dawamliq bashqa tarmaq éqinlargha ayriwalsa, u halda balqash köli rayonining kélimati tesirge uchrap, bu rayonning téximu qumlishishini keltürüp chiqiridiken. Bu rayonda yashaydighan 3 milyondin artuq ahale sirtqa köchüshke mejbur bolup, chong bir apet kélip chiqidiken. (Arzu)