Қирғизистан асасий қанун соти бақийевниң президентлиқини тәстиқлиди


2005-07-17
Share

Қирғизистанниң "қабар "агентлиқиниң мәлуматиға қариғанда 16-июл күни вақитлиқ президент қурманбек бақийевниң қирғизистан президентлиқиға сайлинишини тәкшүрүп, униң президентлиқ салаһитини тәстиқлиди.

Қурманбек бақийев 10-июл күни өткүзүлгән муддәттин бурунқи президент сайлимида 88٪ авазға еришип, ғәлибигә еришкән болуп, униңға җәмий бир милйон 770миңдин артуқ адәм беләт ташлиған.

Асасий қанун соти сайламниң әһвалини шуниңдәк бақийевниң сайлинишини тәкшүрүп, униң президентлиқ салаһитигә һәқиқи лайиқ икәнликини муәййәнләштүрүш билән униң президентлиқ вәзиписини қәсәм берип рәсми тапшурувелишини қарар қилди.

Қирғизистан сайлам қануни бойичә президентлиққа сайланған адәм асасий қанун сотиниң тәстиқидин өтүп 30 күн ичидә юқири кеңәш әзалириниң қатнишиши билән қәсәм берип вәзипә тапшурувалидикән. Нөвәттә, қирғизистан һөкүмити бақийевниң қәсәм бериш мурасимиға тәйярлиқ қилмақта икән.

10-Июл күни қирғизистанда елип берилған сайламниң демократик қаидиләргә уйғун, башқа оттура асия дөләтлиригә үлгә болуш салаһийитигә игә сайлам болғанлиқи хәлқаралиқ көзәткүчиләр һәмдә демократик дөләтләр тәрипидин муәййәнләштүрүлмәктә. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт