Qirghizistan asasiy qanun soti baqiyéwning prézidéntliqini testiqlidi


2005-07-17
Share

Qirghizistanning "qabar "agéntliqining melumatigha qarighanda 16-iyul küni waqitliq prézidént qurmanbék baqiyéwning qirghizistan prézidéntliqigha saylinishini tekshürüp, uning prézidéntliq salahitini testiqlidi.

Qurmanbék baqiyéw 10-iyul küni ötküzülgen muddettin burunqi prézidént saylimida 88٪ awazgha ériship, ghelibige érishken bolup, uninggha jemiy bir milyon 770mingdin artuq adem bélet tashlighan.

Asasiy qanun soti saylamning ehwalini shuningdek baqiyéwning saylinishini tekshürüp, uning prézidéntliq salahitige heqiqi layiq ikenlikini mu'eyyenleshtürüsh bilen uning prézidéntliq wezipisini qesem bérip resmi tapshuruwélishini qarar qildi.

Qirghizistan saylam qanuni boyiche prézidéntliqqa saylan'ghan adem asasiy qanun sotining testiqidin ötüp 30 kün ichide yuqiri kéngesh ezalirining qatnishishi bilen qesem bérip wezipe tapshuruwalidiken. Nöwette, qirghizistan hökümiti baqiyéwning qesem bérish murasimigha teyyarliq qilmaqta iken.

10-Iyul küni qirghizistanda élip bérilghan saylamning démokratik qa'idilerge uyghun, bashqa ottura asiya döletlirige ülge bolush salahiyitige ige saylam bolghanliqi xelqaraliq közetküchiler hemde démokratik döletler teripidin mu'eyyenleshtürülmekte. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet