Qirghizistan yéngi ministirlar kabinéti tesis qildi

Öktichiler inqilabi arqiliq hakimiyetni igilep, waqitliq ministirlar kabinéti we bashqa dölet apparatlirini tesis qilghan prézidént qurmabék baqiyéw bu yil 7-ayda resmi halda prézidéntliq ornigha olturghandin kéyin, yene bir qatar yenggüshleshlerni élip bardi.

Qirghizistanning "qabar" agéntliqining uchuridin melum bolushiche, baqiyéw aldi bilen öktichi félikis qulupni bash ministirliqqa teyinligendin kéyin, yéqinda ataqliq öktichiler rehberlidin azimbék bék nazaropni dölet bash teptishilik wezipisin qaldurghan. 30-Séntebir küni u yene buyruq chiqirip, on ministirni almashturghan we qayta teyinligen.

Qurmanbék baqiyéw yene bu yil 3-aydiki qirghizistan démokratik inqilabi mezgilide aktip pa'aliyet qilghan. Kéyin waqitliq tashqi ishlar ministiri bolghan roza otanbayéwanimu wezipisidin qaldurup, tashqi ishlar ministirini yéngidin teyinligen.

Qirghizistan hökümitidiki bu chong kölemlik tengshesh we almashturushta baqiyéwning esli ittipaqchiliri hésablan'ghan démokratik rehberlerning hoquqtin qaldurulushining yene bezi ziddiyetlerni keltürüp chiqirishi perez qilinmaqta. (Ümidwar)