Ataqliq qirghiz öktichi rehbiri prézidént qurmanbék baqiyéwni tenqid qildi


2006.03.26

Esqer aqayéw dewride qirghizistanning xitaygha yer kesip bergenliki bilen aqayéwqa qarshi naraziliq herikiti qozghighan, kéyin uning qolgha élinishi bilen bir qanche ademning ölüshi we onlighan ademning yaridar bolushining kélip chiqishigha munasiwetlik tarixiy weqede téximu nami chiqqan qirghizistan öktichi rehbiri azimbék nazarow yéqinda muxbirlargha bayanat élan qilip, prézidént qurmanbék baqiyéwni tenqid qildi.

Ottura asiyadiki perghane.Ru agéntliqining uchuridin qarighanda, "qirghizistan" siyasiy herikitining rehbiri azimbék bék nazarop," qurman bék baqiyéw rehberlikidiki yéngi hökümet köpligen xataliqlarni sadir qiliwatidu. Buning eng muhimi aqayéw sistémisigha nisbeten hel qilghuch chare qollanmighanliqidur" dégen.

Azimbék bék nazarop yene prézidént qurmabék baqiyéw hökümitini taki hazirghiche ularnig rusiye hökümidin esqer aqayéwni qayturup bérishni telep qilmighanliq hemde aqayéw a'ilisining jinayi qilmishliri heqqide qarar chiqirip, ularni jazalimighanliq bilen tenqid qilghan.

Azimbék bék nazarop yéngi hökümet qurulghanda, qirghizistan bash teptishi bolghan, emma kéyin tuyusizdinla xizmitidin qalduriwétilgen idi. U esqer aqayéw dewride térrorluq bilen eyiblinip, türmige tashlan'ghan Uyghurlarning délosini jümlidin üch yil ilgiriki narinda yüz bergen qeshqerge qarap mangghan aptobus bilen ademlerning köydürülüsh weqelirini éniqlaydighanliqini bildürgen iken. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.