Ottura asiya dületliri démokratik heriketlerni basturuwatidu


2006.06.12

Xelq'ara xélisinki kishilik hoquq fdratsiyisi doklat élan qilip, ottura asiya döletlirini, bixeterlik mesilsini bahane qilip démokratik heriketlerni basturiwatidu dep eyiblidi.

Düshenbe küni 2006‏- yilliq doklatini élan qilghan merkizi wénadiki xelq'ara xélisinki kishilik hoquq fdratsiyisi bolupmu ötken yili özbékistanning enjan shehiride yüz bergen qanliq weqedin kéyin, ottura asiyadiki démokratik küchlerni basturush herikitining téximu kücheygenlikini bildürdi.

Köpchilikke melum bolghandek, ötken yili may iyida özbékistan bixeterlik qisimliri enjan shehiride islam kerimof hökümitige qarshi élip bérilghan namayishni qanliq basturghan idi. Özbékistan hökümet da'iriliri bu basturush jeryanida köpinchisi militant 187 kishining ölgenlikini bildürmekte. Emma ,xelq'ara kishilik hoquq teshkilatliri we weqe shahitliri mezkur basturush jeryanida köpinchisi ayal we kichik balilardin teshkil tapqan 1000 etrapida namayishchining özbékistan bixeterlik qisimliri teripidin öltürülgenlikini bildürmekte.

Xélisinki kishilik hoquq fdratisyisi shundaqla bir bayanat élan qilip, qazaqisitan, qirghizistan, tajikistan we özbékistan rehberliridin ölüm jazasini bikar qilishini telep qildi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.