Qirghizistan oshta yéngi herbiy baza qurushi mumkin


2005.05.26

Qirghizistanning waqitliq rehbiri qurmanbék baqiyéf, rayonning bixeterlikini qoghdash üchün, qirghizistanning jenubida yéngi bir herbiy baza qurushni oylishiwatqanliqini bildürdi.

Amérika birleshme axbarat agéntliqining xewirige qarighanda, u peyshenbe küni rusiye metbu'atining ziyaritini qobul qilghanda, " eger zörüriyet tughulsa, qirghizistan kolléktip bixeterlik kélishimi yaki shangxey hemkarliq teshkilatining ramkisi ichide osh oblastida yéngi bir herbiy baza qurushi mumkin" dégen.

Emma u mezkur herbiy bazining qaysi döletke tewe ikenliki qatarliq konkrét layihiler heqqide toxtalmighan.

Shangxey hemkarliq teshkilati we kolléktip bixeterlik kélishimi, rusiye we xitayning ottura asiyadiki menpe'etini qoghdash qorali. Bir qisim analizchilar, qirghizistan yéngi rehberlirining rusiye bilen her tereplime yaxshi munasiwet ornitish ihtiyajini chiqish qilip bu teklibni otturigha qoyiwatqanliqini perez qilmaqta.

Bu arida, rusiye hökümiti bolsa qirghizistan bilen " térrorchiliqqa qarshi hemkarliq" ni kücheytishni xalaydighanliqini, biraq qirghizistan hökümitining rusiyining mezkur dölettiki herbiy bazisini kücheytish heqqidiki teklibini tapshurup almighanliqini bildürdi.

Qirghizistanda nöwette amérika we rusiyining hawa armiye bazisi mewjut. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.