روزا ئوتانبايېۋا، خىتاينىڭ قىرغىزىستاندا ھەربىي بازا قۇرىدىغانلىقىنى ئىنكار قىلدى


2005.06.15
Share on WhatsApp
Share on WhatsApp

ئامېرىكىدا زىيارەتتە بولىۋاتقان قىرغىزىستان تاشقى ئىشلار مىنىستىرى روزا ئوتانبايېۋا سەيشەنبە كۈنى خىتاينىڭ قىرغىزىستاندا ھەربىي بازا قۇرىدىغانلىقى توغرىسىدىكى خەۋەرنى رەت قىلدى.

روزا ئوتانبايېۋا بۇ سۆزلىرىنى "ئامېرىكا ئاۋازى" رادىئو ئىستانسىسىنىڭ زىيارىتىنى قوبۇل قىلغاندا ئېيتقان بولۇپ، ئۇ سۆزىدە يەنە، قىرغىزىستاننىڭ نۆۋەتتىكى ۋەزىيەتتە 3 - بىر دۆلەتنىڭ قىرغىزىستاندا ھەربىي بازا قۇرۇشىنى ئويلاشمايدىغانلىقىنى بىلدۈردى.

خىتاي مەتبۇئاتلىرىدا يېقىندا، خىتاي دائىرىلىرىنىڭ قىرغىزىستان ۋاقىتلىق پرېزىدېنتى قۇربانبېگ باقىيېفنىڭ خىتايغا جەنۇبىي قىرغىزىستاندا ھەربىي بازا قۇرۇش توغرىسىدا تەكلىپ سۇنغانلىقى خەۋەر قىلىنغان بولۇپ، ھەتتا خىتاي تاشقى ئىشلار مىنىستىرلىقىنىڭ باياناتچىسى ليۇ جيەنچاۋ، خىتاينىڭ ھەربىي بازا قۇرۇش توغرىسىدا تەكلىپ تاپشۇرۇپ ئالسا، چوقۇم ئويلىشىپ كۆرىدىغانلىقىنى تەكىتلىگەن.

روزا ئوتانبايېۋا مۇخبىرلارنى كۈتۈۋېلىش يىغىنىدا، قىرغىزىستاننىڭ مەزكۇر دۆلەتتىكى ئامېرىكا بازىسىنى داۋاملىق ساقلاپ قالىدىغانلىقىنى بىلدۈرۈش بىلەن بىرگە، ئامېرىكا بىلەن بولغان دوستانە مۇناسىۋەتنى داۋاملاشتۇرىدىغانلىقىنى تەكىتلىدى.

ئۇ يىغىندا بۇنىڭدىن سىرت يەنە، خىتاي-قىرغىزىستان ۋە ئامېرىكا-قىرغىزىستان مۇناسىۋەتلىرى ئۈستىدىمۇ توختالدى. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.