Роза отанбайева, хитайниң қирғизистанда һәрбий база қуридиғанлиқини инкар қилди
2005.06.15
Америкида зиярәттә боливатқан қирғизистан ташқи ишлар министири роза отанбайева сәйшәнбә күни хитайниң қирғизистанда һәрбий база қуридиғанлиқи тоғрисидики хәвәрни рәт қилди.
Роза отанбайева бу сөзлирини "америка авази" радио истансисиниң зияритини қобул қилғанда ейтқан болуп, у сөзидә йәнә, қирғизистанниң нөвәттики вәзийәттә 3 - бир дөләтниң қирғизистанда һәрбий база қурушини ойлашмайдиғанлиқини билдүрди.
Хитай мәтбуатлирида йеқинда, хитай даирилириниң қирғизистан вақитлиқ президенти қурбанбег бақийефниң хитайға җәнубий қирғизистанда һәрбий база қуруш тоғрисида тәклип сунғанлиқи хәвәр қилинған болуп, һәтта хитай ташқи ишлар министирлиқиниң баянатчиси лю җйәнчав, хитайниң һәрбий база қуруш тоғрисида тәклип тапшуруп алса, чоқум ойлишип көридиғанлиқини тәкитлигән.
Роза отанбайева мухбирларни күтүвелиш йиғинида, қирғизистанниң мәзкур дөләттики америка базисини давамлиқ сақлап қалидиғанлиқини билдүрүш билән биргә, америка билән болған достанә мунасивәтни давамлаштуридиғанлиқини тәкитлиди.
У йиғинда буниңдин сирт йәнә, хитай-қирғизистан вә америка-қирғизистан мунасивәтлири үстидиму тохталди. (Пәридә)
Мунасивәтлик мақалилар
- Қирғизистан ошта йеңи һәрбий база қуруши мумкин
- Қирғизистан ташқи ишлар министири хитайни зиярәт қилмақчи
- Хитай президент күтүпханисини қуруш үчүн пул бәргәнликини инкар қилди
- Қирғизистандики сиясий давалғуш, хитай- қирғизистан содисиға тәсир йәткүзди
- Қирғизистан америкиниң манас айдурумини давамлиқ ишлитигә қошулди