Roza otanbayéwa, xitayning qirghizistanda herbiy baza quridighanliqini inkar qildi


2005.06.15
Share on WhatsApp
Share on WhatsApp

Amérikida ziyarette boliwatqan qirghizistan tashqi ishlar ministiri roza otanbayéwa seyshenbe küni xitayning qirghizistanda herbiy baza quridighanliqi toghrisidiki xewerni ret qildi.

Roza otanbayéwa bu sözlirini "amérika awazi" radi'o istansisining ziyaritini qobul qilghanda éytqan bolup, u sözide yene, qirghizistanning nöwettiki weziyette 3 - bir döletning qirghizistanda herbiy baza qurushini oylashmaydighanliqini bildürdi.

Xitay metbu'atlirida yéqinda, xitay da'irilirining qirghizistan waqitliq prézidénti qurbanbég baqiyéfning xitaygha jenubiy qirghizistanda herbiy baza qurush toghrisida teklip sun'ghanliqi xewer qilin'ghan bolup, hetta xitay tashqi ishlar ministirliqining bayanatchisi lyu jyenchaw, xitayning herbiy baza qurush toghrisida teklip tapshurup alsa, choqum oyliship köridighanliqini tekitligen.

Roza otanbayéwa muxbirlarni kütüwélish yighinida, qirghizistanning mezkur dölettiki amérika bazisini dawamliq saqlap qalidighanliqini bildürüsh bilen birge, amérika bilen bolghan dostane munasiwetni dawamlashturidighanliqini tekitlidi.

U yighinda buningdin sirt yene, xitay-qirghizistan we amérika-qirghizistan munasiwetliri üstidimu toxtaldi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.