Русийә, қирғизистандики һәрбий базисида турушлуқ қисимлирини көпәйтмәкчи


2005-07-13
Share

Русийә һәрбий даирилириниң чаршәнбә күни ашкарилишичә, москва қирғизистандики кәнт һава армийә базисида турушлуқ русийә қошунлириниң санини икки һәссә көпәйтишни ойлашмақтикән.

Кәнт һава армийә базисидики русийә қисимлириниң қомандани владимир михайлов, " биз қисимлиримизни икки һәссә көпәйтишни ойлашмақтимиз," дәп тәкитлигән. Михайлов шу күни русийә федератсийә кеңишиға қирғизистанда турушлуқ русийә қисимлириниң әһвали тоғрисида доклат бәргән.

Русийә, кәнт һава армийә базисидики қисимлирини 2003 - йили орунлаштурған болуп, мәзкур базидики русийә қошуни 300 кишилик армийә билән сухой бәлгилик уруш айропиланлирини өз ичигә алиду. Кәнт һава армийә базиси манас айдурумидики америка һәрбий базисиға бир қанчә километир йирақлиқта болуп, манас айдурумида 2000 кишилик америка қошуни туриду.

Қирғизистанниң йеңидин сайланған президенти қурманбег бақийев, дүшәнбә күни қирғизистандики америка қошунлириниң чекиш вақти тоғрисида музакирә елип беришни тәләп қилған. Бақийев, америка қисимлириниң чекиниш вақтини тилға алмиған болсиму, әмма у "афғанистанда вәзийәт өзгәрди, биз америка қисимлириниң қирғизистанда туруш һаҗити қалмиғанлиқини ойлаватимиз," дәп тәкитлигән.

Йеқинда шаңхәй гуруһидики дөләтләр америкини қирғизистан билән өзбекистандики һәрбий базилардин чекиниш вақит җәдвили елан қилишқа қистиған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт