Özbékistan hökümiti bu yerdiki amérika qoshunlirining chiqip kétishini telep qilishi mumkin


2005.08.26
Share on WhatsApp
Share on WhatsApp

Özbékistan parlaménti jüme küni özbék hökümitining, amérikidin bu yerdiki qoshunlirini élip chiqip kétishi telep qilin'ghan bir qarar layihisini maqullidi. Ular bu yerdiki amérika bazilirining muhitqa ziyan yetküzüp, yerlik xelqlerning salametlikige tesir körsitiwatqanliqini seweb qilip körsetti.

Amérika birleshme agéntliqining xewirige qarighanda, özbékistan parlaménti, hazir amérikining afghanistandiki herbiy urushining axirlashqanliqini, shunga bu yerde emdi qoshun turghuzush ehmiyitining yoqliqini tekitligen. Hetta bezi bir qisim parlamént ezaliri, amérikining özbékistanda dawamliq qoshun turghuzishining, dölet bixeterlik mesilirini keltürüp chiqiriwatqanliqini bildürdi.

Özbékistan hökümiti ötken ayda amérika bilen bolghan herbiy baza kélishimining axirlashqanliqini jakarlap, amérika armiyisining bir nechche ay ichide bu yerdin chiqip kétishini telep qilghan idi. Emma ular u chaghda héchqandaq seweb körsetmigen.

Amérika hökümiti ilgiri, 5 - ayning 13 - küni enjanda yüz bergen qanliq basturush weqesi toghrisida özbékistan hökümiti eyibligen idi. Shundaqla özbékistan hökümitining enjan puqralirini basturush weqesini yéqindin qollighan xitay bilen rusiyimu, amérika hökümitining ottura asiyadiki qoshunlirini élip chiqip kétishini küchlük telep qilghan hemde bu heqte ottura asiya döletlirige bésim ishletken idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.