Америка қошунлири өзбекистандин чекиниду


2005.09.28
Share on WhatsApp
Share on WhatsApp

Америка вә өзбекистан мунасивәтлири җиддийләшкән бир пәйттә, америкиниң юқири дәриҗилик бир әмәлдари, америка қошунлирини өзбекистандики һава армийә базисидин қошун чекиндүришидиғанлиқини билдүрди.

Америка ташқи ишлар министирлиқиниң ярдәмчи ташқи ишлар министири даниял фрайидниң сәйшәнбә күни билдүрүшичә, америка өзбекистан һөкүмитиниң тәлипигә асасән қошун чекиндүрүшни қарар қилған. Әмма у қошун чекиндүрүшниң конкерт вақтини билдүрмиди. Өзбекистан америкидин әң кечиккәндә бу йилниң ахириғичә қошунини чекиндүрүшни тәләп қилмақта.

Өзбекистандики ханабад һава армийә базиси, америкиниң афғанистандики америка қошунлириға маддий әшяларни тәминләйдиған муһим бир һалқиси иди.

Даниял фрайид, америкиниң өзбекистандин қошун чекиндүридиғанлиқини билдүришиниң алдида, ташкәнттә өзбекистан президенти ислам кәримоф билән көрүшүп, һава армийә базиси вә кишилик һоқуқ мәсилилирини музакирә қилған. Бу йил майда, америка өзбекистанниң әнҗан вәқәсини бастурушини тәнқид қилғандин кеийин, икки дөләт мунасивити йириклишишкә башлиған. Даниял фрайид, " икки дөләт мунасивити кишилик һоқуқ вәзийити вә әнҗан вәқәси сәвәбидин интайин начар һаләттә турмақта" деди.

Кишилик һоқуқ тәшкилатлири әнҗандики хәлқ қаршилиқ намайишида нәччә йүз пуқраниң һөкүмәт армийиси тәрипидин етип өлтүрүлгәнликини билдүргән иди. Әмма өзбекистан даирилири, у қетимқи вәқәни ислам радикаллири кәлтүрүп чиқарған дәп көрситип, вәқәдә өлгәнләр саниниң 180 әтрапида икәнликини вә өлгәнләрниң көп қисминиң ислам пидаийлири икәнликини билдүрмәктә. ( Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.