Б д т өзбекистанда йүз бәргән қораллиқ бастуруш вәқәсини тәкшүрүшни қарар қилди


2005.06.16
Share on WhatsApp
Share on WhatsApp

Бешкәктин берилгән хәвәрләргә асасланғанда, б д т тәрипидин тәшкилләнгән 5 кишилик бир гуруппа, чаршәнбә күни қирғизистанға йетип кәлгән. Мәзкур гуруппа, қирғизистанға хошна болған өзбекистанда, өзбек әскәрлириниң бу йил йүз бәргән амминиң наразилиқ намайишини қораллиқ бастуруш қилмиши үстидин тәкшүрүш елип баридикән.

Франсийә агентлиқиниң бу һәқтә бәргән хәвиридә ейтилишичә, бу йил 5 - айниң 13 - күни, өзбекистан һөкүмити әскәр чиқирип, өзбекистанниң шәрқидики әнҗан шәһиридә намайиш қозғиған аммиға қаритип оқ чиқирип, ечинишлиқ ақивәтләрни кәлтүргән иди .

Кишилик һоқуқ хадимлириниң қаришичә, өзбекистан әскәрлири қораллиқ бастуруш җәрянида, нәччә йүзлигән бигунаһ хәлқни етип өлтүргән. Әмма, өзбекистан һөкүмити намайишчиларға "ислам радикалчилири һөкүмәткә қарши топилаң һәрикити қозғиди" дегән бәтнамни чаплап, намайишчиларни бастурған. Гәрчә өзбекистан һөкүмәт даирилири вәқәдә 173 адәмниң қаза қилғанлиқини билдүргән болсиму , әмма кишилик һоқуқ тәшкилатлири билән өзбекистандики өктичи тәшкилатларниң ейтишичә, қораллиқ бастурушта 700 дин артуқ адәм һаятидин айрилған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.