Кофи аннан қирғизистан президенти билән өзбек мусапирлар тоғрисида сөзләшти


2005-06-27
Share

Б д т баш катипи кофи аннан, өткән һәптиниң ахири қирғизистан президенти қурманбег бақийев билән телефонда сөзлишип, қирғизистан даирилиридин мәзкур дөләттики өзбек мусапирларни өзбекистанға мәҗбури қайтурмасслиққа капаләтлик қилишни тәләп қилди.

Франсийә ахбарат агентлиқиниң хәвәр қилишичә, кофи аннанниң баянатчиси кофи аннанниң президент қурманбег бақийевтин өзбек мусапирларни өзбекистанға мәҗбури қайтурмаслиққа капаләтлик қилишни тәләп қилғанлиқини елан қилған. Кофи аннан, қурманбег бақийевқа қирғизистанниң хәлқара келишимләрдә үстигә алған мәҗбурийитини әслитип, б д т мусапирлар комисари камел марҗанниң хизмитигә яр- йөләк болидиғанлиқини билдүргән. Камил марҗан бу һәптиниң ахири қирғизистанни зиярәт қилиду. У, бу йәрдики өзбек мусапирларни әһвалини тәкшүридикән.

Қирғизистан һөкүмити шәнбә күни б д т мусапирлар мәһкимисиниң қирғизистандики 29 нәпәр өзбек мусапирниң панаһлиқ мәсилисини күрүп чиқишиға мақул болған. Қирғизистан баш тәптиши азимбек бекназаров, " әгәр мусапирлар мәһкимиси бу һәптә ичидә 29 кишиләрниң панаһлиқ мәсилисини бир тәрәп қилмиса, биз уларни өзбекистан даирилиригә өткүзүп беришимиз мумкин," дәп тәкитлигән.

Бу йил 13 - майда йүз бәргән анҗандики исян бастурулғандин кейин, қара су вә әнҗан қатарлиқ җайлардики бир қисим пуқралар қирғизистан тәрәпкә қечип өтүвалған иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт