Kofi annan qirghizistan prézidénti bilen özbék musapirlar toghrisida sözleshti


2005.06.27
Share on WhatsApp
Share on WhatsApp

B d t bash katipi kofi annan, ötken heptining axiri qirghizistan prézidénti qurmanbég baqiyéw bilen téléfonda sözliship, qirghizistan da'iriliridin mezkur dölettiki özbék musapirlarni özbékistan'gha mejburi qayturmassliqqa kapaletlik qilishni telep qildi.

Fransiye axbarat agéntliqining xewer qilishiche, kofi annanning bayanatchisi kofi annanning prézidént qurmanbég baqiyéwtin özbék musapirlarni özbékistan'gha mejburi qayturmasliqqa kapaletlik qilishni telep qilghanliqini élan qilghan. Kofi annan, qurmanbég baqiyéwqa qirghizistanning xelq'ara kélishimlerde üstige alghan mejburiyitini eslitip, b d t musapirlar komisari kamél marjanning xizmitige yar- yölek bolidighanliqini bildürgen. Kamil marjan bu heptining axiri qirghizistanni ziyaret qilidu. U, bu yerdiki özbék musapirlarni ehwalini tekshüridiken.

Qirghizistan hökümiti shenbe küni b d t musapirlar mehkimisining qirghizistandiki 29 neper özbék musapirning panahliq mesilisini kürüp chiqishigha maqul bolghan. Qirghizistan bash teptishi azimbék béknazarow, " eger musapirlar mehkimisi bu hepte ichide 29 kishilerning panahliq mesilisini bir terep qilmisa, biz ularni özbékistan da'irilirige ötküzüp bérishimiz mumkin," dep tekitligen.

Bu yil 13 - mayda yüz bergen anjandiki isyan basturulghandin kéyin, qara su we enjan qatarliq jaylardiki bir qisim puqralar qirghizistan terepke qéchip ötüwalghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.