B d t qirghizistan da'irilirining 4 neper özbék musapirni dölitige qayturuwétish herikitini eyiplidi


2005.06.10
Share on WhatsApp
Share on WhatsApp

B d t ning musapirlar mehkimisi, jüme küni qirghizistan da'irilirining 4 neper özbék musapirni dölitige qayturuwétish herikiti xelq'ara ehdinamilargha xilap, dep eyiplidi.

Qirghizistan hökümiti ilgiri qirghizistanda panaliniwatqan Uyghur siyasi musapirlirini xitaygha qayturup bergen. B d t musapirlar mehkimisi qirghizistan da'irilirining herikitidin chöchigenlikini bildürdi. Özbékistan'gha qayturup bérilgen 4 neper musapir, kérimof hökümiti enjandiki namayishni basturghandin kéyin qirghizistan'gha qéchip barghan.

Kishilik hoquqni közütüsh teshkilati enjandiki namayishchilarni basturush herikitini " qetli'am" dégen idi. B d t musapirlar mehkimisining qirghizistandiki emeldari elmar bagirowning bildürüshiche, qirghizistan da'iriliri peyshenbe küni qirghizistandiki özbék musapirlar lagiridin 16 kishini tutup kétip, ularning ichidiki töt kishini su'al - soraqsizla özbékistan da'irilirige ötküzüp bergen.

Birleshme axbarat agéntliqining xewer qilishiche, qirghizistan tashqi ishlar ministiri roza otanbayéwa, siyasi panahliq tiligüchilerning özbékistanmgha qayturulmaydighanliqini bildürgen bolsimu, emma qirghizistan hökümitidiki bezi da'iriler, musapirlar mesilisige guman bilen qaraydiken.

Musapirlar mehkimisi qirghizistan da'iriliridin musapirlarni qoghdashni telep qildi. B d t musapirlar mehkimisi jüme küni élan qilghan bayanatida, qirghizistan b d t musapirlar mehkimisi bilen imzalighan siyasi musapirlarni dölitige mejburi qayturushqa bolmaydighanliqi toghrisidiki kélishimge ochuq - ashkare buzghunchiliq qildi, dep eyipligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.