Қирғизистанниң йеңи президенти, филикис қолофни вақитлиқ баш министир вәзиписигә тәйинлиди

Қирғизистанниң йеңи президенти қурманбек бақийеф, президент сайлимидин бурун қилған вәдисигә асасән, дүшәнбә күни сабиқ қирғизистан бихәтәрлик кеңишиниң рәиси филикис қолуфни баш министирлиқ вәзиписигә тәйинлиди.

Қурманбек бақийеф, өткән ай қирғизистанда өткүзүлгән вә чәтәллик күзәткүчиләр тәрипидин оттура асияда өткүзүлгән тунҗи демократик вә адаләтлик сайлам дәп тәбирләнгән президент сайлимида, қирғизистан хәлқиниң мутләқ көп қисиминиң авази билән президент вәзиписигә сайланған иди. У йәкшәнбә күни бешкәктә өткүзүлгән бир мурасимда қәсәм ичип рәсми вәзиписигә башлиған.

Қурманбек бақийеф вә қолоф, қирғизистанниң шимали вә җәнуби районлири арисида мәвҗут ихтилапларниң техиму күчийишиниң алдини елиш үчүн сайламда бирликтә һәрикәт қилиш тоғрисида келишкән.

Хәвәрләргә қариғанда, қолоф, қирғизистан парламенти тәрипидин рәсми тәстиқланғичә, қирғизистан вақитлиқ баш министири болуп вәзипә өтәйдикән. (Қанат)