Iwanof, rusiyining amérika herbiy qisimliri toghrisida ottura asiya döletlirige bésim ishletkenlikini ret qildi


2005-07-28
Share

Rusiye mudapi'e ministiri sirgiy iwanof, rusiye hökümitining amérika herbiy qisimlirini chiqirish üchün, özbékistan we qirghizistan'gha bésim ishletkenliki toghrisidiki xewerlerni ret qildi.

Fransiye agéntliqining xewer qilishiche, iwanof "ittpaqdishimiz bolghan ottura asiyadiki musteqil döletlerge héchqandaq bésim ishletmiduq" dégen.

Yéqinda, amérika hökümet xadimliri, rusiye we xitayning, shangxey hemkarliq teshkilatining bu ayning bashlirida qazaqistanda ötküzülgen aliy derijilik yighini jeryanida, amérikining ottura asiyadiki herbiy qisimlirini chékindürüshi üchün éniq bir waqit belgilishi heqqidiki bayanatqa qol qoyushi üchün qirghizistan we özbékistan'gha bésim ishletkenlikini bildürgen idi.

Xewerde éytilishiche, rusiye mudapi'e ministiri gerche, özbékistan we qirghizistan'gha bésim ishletkenlikini ret qilghan bolsimu, emma " afghanistandiki urushning 20 yilmu, 30 yilmu yaki 250 yilmu, qanchilik dawamlishidighanliqini bilishimiz kérek" déyish arqiliq özining amérikining afghanistandiki herbiy mewjudiyitidin bi'aram boluwatqanliqini ochuq ipadiligen.

Gerche, shangxey hemkarliq teshkilatining yighinida, amérikining ottura asiyadiki qoshunlirini chékindurush üchün éniq bir waqit belgilishi kérek, dégen bir bayanat qobul qilin'ghan bolsimu, lékin düshenbe küni qirghizistan rehberliri amérika mudapi'e ministirigha hazirche amérika qisimlirini qirghizistandin chékindurush üchün éniq waqit belgileshke hajet yoq, dégen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet