Хитай америка базисини тақашни тәләп қилиш тоғрисида қирғизистанға бесим ишләткән


2005.08.04
Share on WhatsApp
Share on WhatsApp

Қирғизистандики мутәхәссисләрниң ашкарилишичә, қирғизистан бешкәк әтрапидики америка һәрбий базисини тақашни тәләп қилиш тоғрисида хитайниң бесимиға учриған.

Қирғизистандики сияси пәнләр мутәхәссиси қасиқбайев қирғизистан радиосида сөз қилип, бешкәктики америка һәрбий базисини тақаш хитайниң мәнпәәтигә уйғун келидиғанлиқини билдүргән. Униң тәкитлишичә, бейҗиң даирилири америкиниң бешкәктики һәрбий базидин пайдилинип, хитайниң уйғур аптоном районидики һәрбий паалийитини оғрилиқчә көзүтүшидин әнсирәйдикән.

Қасиқбайев, шаңхәй гуруһидики дөләтләрниң америкини оттура асиядин қошун чекиндүрүшкә чақириш тоғрисидики баянати русийә тәрипидин әмәс, хитай тәрипидин оттуриға қоюлғанлиқини билдүрди. Қасиқбайевниң тәкитлишичә, әгәр америка бешкәктики һәрбий базиға сигнал айропиланлирини орунлаштурса, хитайниң пүтүн ғәрбий шималини көзүтәләйдикән.

Қирғизистан һөкүмити йеқинда америка һәрбий базисиниң давамлиқ қалидиғанлиқини елан қилди. Қасиқбайевниң билдүрүшичә, шаңхәй гуруһидики дөләтләр ичидә пикир ихтилапи мәвҗут болуп, бу қирғизистанниң шаңхәй гуруһидин келидиған бесимға бәрдашлиқ бәргәнликидин дерәк берикән. У, мәзкур тәшкилатниң ички қисимидики ихтилап, шаңхәй гуруһиниң парчилинишини кәлтүрүп чиқириши мумкин, дәп көрсәткән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.