Musteqil döletler hemdostluqidiki démokratik yashlar teshkilatliri birleshti

• 
  2005-08-21

Ottura asiya uchur merkizining xewer qilishiche, musteqil döletler hemdostluqigha tewe bir qisim döletlerning démokratik yashlar teshkilatliri birliship, öz döletliri we rayonning démokratiyilishishni ilgiri sürüshte ortaq tirishchanliq körsitishke pütüshken.

Xewerdin melum bolushiche, ukra'iniyining "peyt", rusiyining" biz", qirghizistanning "birge" we qazaqistanning "qahar" dep atalghan yashlar teshkilatliri birliship, döletler halqighan démokratik tor hasil qilghan.

Ularning bildürüshiche, mezkur dölet halqighan démokratik torning xaraktéri siyasiwilik, öktichilik we ijtima'iyliq qatarliq xususiyetlerge ige bolup, barliq démokratik heriketler we teshkilatlargha öz puqralirining grazhdanliq hoquqini qoghdash, teng-barawerlik asasida démokratiyilishishni emelge ashurush hemde diktaturuluq xa'ishlirigha qarshi küresh qilish üchün birlikke kelgen front qurushni teshebbus qilidu. Buningdin ilgiri ottura asiya démokratik teshkilatliri we partiyiliri bérlin'ge jem bolup, ottura asiya démokratik qurultiyini qaytidin tesis qilip, resmi ishqa kirishken idi. (Ümidwar)