Шаңхәй һәмкарлиқ тәшкилатиға әза дөләт башлиқлириниң алий дәриҗилик учришиши бишкәктә башланди


2007-08-15
Share

Шаңхәй һәмкарлиқ тәшкилатиға әза дөләт башлиқлириниң алий дәриҗилик учришиши 16 ‏- авғуст күни қирғизистанда өткүзүлиду. Азадлиқ радиосиниң бишкәктин хәвәр қилишичә, хитай, русийә, қирғизистан, қазақистан, таҗикистан, өзбекистандин ибарәт шаңхәй һәмкарлиқ тәшкилатиға әза дөләтләрниң башлиқлири 8 ‏- айниң 15 ‏- күни (чаршәнбә) қирғизистанниң пайтәхти бишкәк шәһиригә җәм болди.

Қирғизистан ташқи ишлар министириниң баян қилишичә, шаңхәй һәмкарлиқ тәшкилатиға әза дөләт башлиқлириниң алий дәриҗилик учришишида хәлқаралиқ вә район характерлиқ мәсилиләр музакирә қилинидикән; қирғизистанниң нөвәтчи рәислики мәзгилидики шаңхәй һәмкарлиқ тәшкилатиниң хизмәтлири хуласилинидикән вә келәр қетимлиқ нөвәтчи рәис болидиған дөләт бәлгилинидикән. Бу алий дәриҗилик учришиштин кейин, 17 ‏- авғуст күни, ху җинтав қатарлиқ дөләт башлиқлири шаңхәй һәмкарлиқ тәшкилатиниң һәрбий маневирини нәқ мәйданда күзитидикән.

Бирләшмә агентлиқиниң бишкәктин хәвәр қилишичә, иран президенти әхмәди ниҗат бишкәктә хитай билән русийә дөләт башлиқиниң алий дәриҗилик учришишиға қатнашмақчи. Шинхуа агентлиқиниң исламабадтин 15 ‏- авғуст күни хәвәр қилишичә, пакистан ташқи ишлар министири қуршид маһмут касури шаңхәй һәмкарлиқ тәшкилатиниң алий дәриҗилик учришиш йиғиниға қатнишиш үчүн бишкәккә маңған.

Бүгүн дуня уйғур қурултийи шаңхәй һәмкарлиқ тәшкилатниң қирғизистандики алий дәриҗилик учришиш йиғиниға хәт йезип, йиғинда коммунист хитай һөкүмитиниң уйғурларға қаратқан кишилик һоқуқ дәпсәндичиликини әйибләшкә чақирди. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт