Кондилиза райис, қазақистан билән енергийә вә бихәтәрлик мәсилилирини музакирә қилди


2005-08-23
Share

Америка ташқий ишлар министири кондилиза райис, дүшәнбә күни вашингтонда америкини зиярәт қиливатқан қазақистан ташқи ишлар министири қасим җүмәрт тоқайев билән сөһбәт өткүзүп, енергийә вә бихәтәрлик мәсилилирини музакирә қилди. Тоқайев америкидики зиярәт күнтәртипи бойичә бу һәптә ичидә америка дөләт мудапиә министири вә ақсарайдики даириләр билән учришиду.

Қазақистан шаңхәй һәмкарлиқ гуруһидики русийә билән хитайдин кейин туридиған асаслиқ дөләтләрниң бири болуп, мәзкур орган бу йил 7 - айниң башлири астанадики башлиқлар йиғинида, америкидин оттура асиядики қошунлирини елип чиқип кетишни тәләп қилған. Әмма кондилиза райис билән тоқайевниң сөһбити һәрбий база мәсилигә четилған яки четилмиғанлиқи мәлум әмәс.

Америка ташқи ишлар министирлиқи баянатчиси мәккормак сөһбәттин илгири мухбирларға мәлумат берип, " өз ара мунасивәтләр шундақла бихәтәрлик , енергийә, демократик ислаһат вә қазақистанда бу йил 12 - айда елип берилидиған сайламни әркин вә адил елип беришниң әһмийити қатарлиқ икки дөләт ортақ қизиқидиған бир йүрүш мәсилиләр көздин кәчүрүлиду," дәп тәкитлигән.

Бу йил 12 - айда сайлам өткүзүш президент нәзәрбайефниң өктичилири тәрипидин бир ғәлибә, дәп қаралмақта. Нәзәрбайефни қоллиғучилар сайламниң келәр йили 12 - айда өткүзүлишини тәләп қилған иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт