Kondiliza rayis, qazaqistan bilen énérgiye we bixeterlik mesililirini muzakire qildi


2005-08-23
Share

Amérika tashqiy ishlar ministiri kondiliza rayis, düshenbe küni washin'gtonda amérikini ziyaret qiliwatqan qazaqistan tashqi ishlar ministiri qasim jümert toqayéw bilen söhbet ötküzüp, énérgiye we bixeterlik mesililirini muzakire qildi. Toqayéw amérikidiki ziyaret küntertipi boyiche bu hepte ichide amérika dölet mudapi'e ministiri we aqsaraydiki da'iriler bilen uchrishidu.

Qazaqistan shangxey hemkarliq guruhidiki rusiye bilen xitaydin kéyin turidighan asasliq döletlerning biri bolup, mezkur organ bu yil 7 - ayning bashliri astanadiki bashliqlar yighinida, amérikidin ottura asiyadiki qoshunlirini élip chiqip kétishni telep qilghan. Emma kondiliza rayis bilen toqayéwning söhbiti herbiy baza mesilige chétilghan yaki chétilmighanliqi melum emes.

Amérika tashqi ishlar ministirliqi bayanatchisi mekkormak söhbettin ilgiri muxbirlargha melumat bérip, " öz ara munasiwetler shundaqla bixeterlik , énérgiye, démokratik islahat we qazaqistanda bu yil 12 - ayda élip bérilidighan saylamni erkin we adil élip bérishning ehmiyiti qatarliq ikki dölet ortaq qiziqidighan bir yürüsh mesililer közdin kechürülidu," dep tekitligen.

Bu yil 12 - ayda saylam ötküzüsh prézidént nezerbayéfning öktichiliri teripidin bir ghelibe, dep qaralmaqta. Nezerbayéfni qollighuchilar saylamning kéler yili 12 - ayda ötküzülishini telep qilghan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet