Өзбекистан һөкүмити әнҗан вәқәси һәққидә мәхсус һөҗҗәтлик филим ишлиди


2005-07-24
Share

Русийиниң "хәвәрләр" агентлиқиниң хәвәр қилишичә, өзбекистан һөкүмити 13-майдики әнҗан вәқәсиниң тәпсилати һәққидә мәхсус һөҗҗәтлик филим ишләп, дөләтлик телевизийә қанилида көрсәткән.

Өзбекистан җумһурийәтлик баш тәптиш идарисиниң ахбарат ишлириға мәсул әмәлдари бу филимниң бандитлардин қолға чүшүрүлгән синалғу лентилири вә вәқәгә мунасивәтлик башқа тәкшүрүш материяллири асасида ишләнгәнликини билдүргән

Хәвәрдә ейтилишичә, һөкүмәт тәрипидин тәйярланған мәзкур һөҗҗәтлик филимдә әнҗан вәқәсиниң пүтүнләй террорчилар тәрипидин кәлтүрүп чиқирилғанлиқи баян қилинған болуп, террорчиларниң түрмигә вә һөкүмәт бинасиға һуҗум қилип, уни игиливалғанлиқи, қорал –ярақларни булиғанлиқи шуниңдәк 70 адәмни гөрәгә еливалғанлиқи көрситилип вәқә җәрянида 187 адәмниң өлгәнлики, омумий чиқимниң 300 милйон америка доллириға йәткәнлики ейтилған.

Бирақ, әнҗан вәқәсиниң әмәлий әһвали һәққидики учурлар буниңдин пәрқлиқ болуп, ташкәнтниң мәлуматлириға ишәнмигән америка, явропа иттипақ вә башқа ғәрб дөләтлири вәқәниң һәқиқи әһвали һәққидә мустәқил хәлқаралиқ тәкшүрүш елип беришни изчил тәләп қилған болсиму, әмма ислам керимоф уни рәт қилмақта. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт