Özbékistan enjan weqesige munasiwetlik ademlerni yene jazalidi


2005.12.04

Özbékistanda yene 25 adem enjan weqesige qatnashqanliqi üchün jazalandi, bu heqte özbékistan aliy sot mehkimisi xewer tarqatqan bolup, rusiyining xewerler agéntliqining uchuridin qarighanda, tashkent oblastliq we sheherlik sot mehkimiliri ayrim-ayrim halda 25 adem üstidin höküm chiqirip, ulargha térrorluq heriket bilen shughullinish hem adem öltürüsh qatarliq jinayetlerni artqan.

Mezkur 25 ademning 13 tashkent oblastliq sot mehkimisi teripidin sotlinip, ayrim-ayrim halda 12 yildin 20 yilliqqa, yene bashqa 12 neper eyiblen'güchi tashkent sheherlik sot mehkimisi teripidin oxshashla 12 yildin 20 yilighiche bolghan türme jazasigha höküm qilindi.

Özbékistan aliy sot mehkimisi 14-noyabir küni 15 ademge uzun yilliq qamaq jazasi höküm qilghan idi.

Xewerler agéntliqining uchuridin qarighanda, sot mehkimirliri yene 30 nechche ademning délosini qarap chiqiwatqan bolup, belki pat yéqinda höküm élan qilinishi mumkin iken.

13-Maydiki enjan weqesidin kéyin islam kerimop amérika qatarliq döletlerning we xelq'ara jemiyetning tenqidige qarimay, weqeni keltürüp chiqarghan dep qarap qolgha élin'ghan ademler üstidin yépiq sot achqan bolup, özbékistan démokratliri bu ademlerning qattiq bésimlar astida özliri üstidin turghuzulghan jinayetlerni étirap qilishqa mejbur bolghanliqini otturigha qoymaqta. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.