Өзбекистан әнҗан вәқәсини ашкарилиған қанун қоғдиғучисиға қамақ җазаси елан қилди

Өзбекистан әдлийә даирилири өткән йили 13-майдики әнҗан вәқәсиниң маһийити вә сақчи һәм һәрбий қошунлириниң қилмишлири һәққидә хәлқара мәтбуатларға учур бәргән өзбекистан қанун һимайичиси сәйитҗан зайнабитдиноп үстидин йепиқ сот ечип, униңға йәттә йиллиқ түрмә җазаси бәрди.

Оттура асиядики perfghane.ru Агентлиқиниң учуридин қариғанда, сәйитҗан зайнабитдиноп буниңдин бир қанчә мәзгил илгири қолға елинған . У, 2005-йили 13-майда әнҗан вәқәси йүз бәргәндә өзбекистан даирилириниң ахбаратни қамал қилишиға қаримай, русийә вә ғәрб журналистлириниң зиярәтлирини қобул қилип, әнҗанда болған вәқәниң һәқиқий әһвали һәққидә учур бәргән. У, әнҗанда 500 дин артуқ адәмниң өлгәнлики, һөкүмәт армийиси вә сақчиларниң тинч пуқраларға оқ чиқарғанлиқини ашкарилиған иди. Әмма, ислам кәримоп бу вәқәни террорчиларниң кәлтүрүп чиқарғанлиқини билдүрүп, пәқәт 170 әтрапида адәм өлгәнликини бекиткән һәмдә америка, явропа иттипақи қатарлиқ ғәрб дөләтлириниң вәқә һәққидә хәлқаралиқ тәкшүрүш елип бериш тәклипини рәт қилған.(Үмидвар)