Özbékistan enjan weqesini ashkarilighan qanun qoghdighuchisigha qamaq jazasi élan qildi

Özbékistan edliye da'iriliri ötken yili 13-maydiki enjan weqesining mahiyiti we saqchi hem herbiy qoshunlirining qilmishliri heqqide xelq'ara metbu'atlargha uchur bergen özbékistan qanun himayichisi seyitjan zaynabitdinop üstidin yépiq sot échip, uninggha yette yilliq türme jazasi berdi.

Ottura asiyadiki perfghane.ru Agéntliqining uchuridin qarighanda, seyitjan zaynabitdinop buningdin bir qanche mezgil ilgiri qolgha élin'ghan . U, 2005-yili 13-mayda enjan weqesi yüz bergende özbékistan da'irilirining axbaratni qamal qilishigha qarimay, rusiye we gherb zhurnalistlirining ziyaretlirini qobul qilip, enjanda bolghan weqening heqiqiy ehwali heqqide uchur bergen. U, enjanda 500 din artuq ademning ölgenliki, hökümet armiyisi we saqchilarning tinch puqralargha oq chiqarghanliqini ashkarilighan idi. Emma, islam kerimop bu weqeni térrorchilarning keltürüp chiqarghanliqini bildürüp, peqet 170 etrapida adem ölgenlikini békitken hemde amérika, yawropa ittipaqi qatarliq gherb döletlirining weqe heqqide xelq'araliq tekshürüsh élip bérish teklipini ret qilghan.(Ümidwar)