Qirghizistan waqitliq hökümiti aqayéfning bixeterlikige kapaletlik qilmaqchi


2005.03.30
Share on WhatsApp
Share on WhatsApp

Qirghizistanning waqitliq hökümiti, eger esqer aqayéf qirghizistan'gha qaytip kélip xizmitidin istipa berse, uning qirghizistandiki bixeterlikige kapaletlik qilidighanliqini bildürdi.

Öktichilerning rehbiri hemde nöwette qirghizistan waqitliq hökümitining bixeterlik ishlirigha mes'ul bolghan féliks quluf charshenbe küni, esqer aqayéf qirghizistan'gha qaytip kelse, qirghizistan waqitliq hökümiti, uning shexsiy bixeterlikige kapaletlik qilipla qalmastin, uning mülüklirinimu qoghdaydighanliqini shundaqla uning erkin pa'aliyet qilishighimu kapaletlik qilidighanliqini bildürdi.

Qirghizistanning sabiq prézidénti esqer aqayéf seyshenbe küni rusiye téléwiziyisining ziyaritini qobul qilghanda, eger uning bixeterliki kapaletke ige qilinsa, istipa bérishni xalaydighanliqini bildürdi. Emma u yene, özining hazir yenila qirghizistan prézidénti ikenlikini eskertti.

Waqitliq hökümet üchün esqer aqayéfning istipa bérishi muhim ehmiyetke ige bolup, bu, dölet siyasitining qanunluq yolda élip bérilishigha paydiliq.

Ötken hepte qirghizistandiki öktichiler chong kölemde namayish ötküzüp, prézidént sariyini qamal qilghandin kéyin, prézidént esqer aqayéf qirghizistandin qéchip ketken idi. Buningdin sirt yene, nöwette prézidént sariyidiki nurghun höjjetlerningmu yoqap ketkenliki melum bolmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.