Қазақистан қирғизларни тәбиий газ билән тәминләшкә қошулди


2005.08.30

Өзбекистан қирғизлар билән болған сияси ихтилаплар сәвәбидин қирғизистанни газ билән тәминләшни тохтатқандин кейин, қазақистан қирғизистанни тәбий газ билән тәминләшкә қошулған.

Франсийә ахбарат агентлиқиниң хәвиригә қариғанда қазақистан дөләтлик тәбиий газ ширкитиниң ашкарилишичә, бу йилдин башлап қирғизистанни газ билән тәминләшни қазақтранзигаз ширкити үстигә алидикән."

Көзәткүчиләрниң тәкитлишичә, бу әһвал райондики иқтисадики әң тез тәрәққий қиливатқан дөләт - қазақистанниң қирғизистандики тәсирини күчәйтиши мумкин. Әмма бу сода қирғизларниң қазақистандин қирғизистанға баридиған газ турубисини ясашқа кәткән 18 милйон доллар қәрзини төләп болушиға бағлиқкән.

Йеқинда бешкәк һөкүмити әнҗан вәқәсидин сәвәблик қирғизистанға қечип барған өзбек мусапирларниң 3 - бир дөләткә кетишигә рухсәт қилғандин кейин, өзбекистан даирилири бешкәк һөкүмити билән тәбиий газ сөһбити елип беришни тохтитип қойған. Қирғизистанға қечип барған мусапирларниң көп қисими ғәрб дөләтлиригә орунлаштурулған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.