Qazaqistan qirghizlarni tebi'iy gaz bilen teminleshke qoshuldi

Özbékistan qirghizlar bilen bolghan siyasi ixtilaplar sewebidin qirghizistanni gaz bilen teminleshni toxtatqandin kéyin, qazaqistan qirghizistanni tebiy gaz bilen teminleshke qoshulghan.

Fransiye axbarat agéntliqining xewirige qarighanda qazaqistan döletlik tebi'iy gaz shirkitining ashkarilishiche, bu yildin bashlap qirghizistanni gaz bilen teminleshni qazaqtranzigaz shirkiti üstige alidiken."

Közetküchilerning tekitlishiche, bu ehwal rayondiki iqtisadiki eng téz tereqqiy qiliwatqan dölet - qazaqistanning qirghizistandiki tesirini kücheytishi mumkin. Emma bu soda qirghizlarning qazaqistandin qirghizistan'gha baridighan gaz turubisini yasashqa ketken 18 milyon dollar qerzini tölep bolushigha baghliqken.

Yéqinda béshkek hökümiti enjan weqesidin seweblik qirghizistan'gha qéchip barghan özbék musapirlarning 3 - bir döletke kétishige ruxset qilghandin kéyin, özbékistan da'iriliri béshkek hökümiti bilen tebi'iy gaz söhbiti élip bérishni toxtitip qoyghan. Qirghizistan'gha qéchip barghan musapirlarning köp qisimi gherb döletlirige orunlashturulghan. (Erkin)