Rusiye, xitay we hindistanning tashqi ishlar ministirliri alma'atada uchrashti

Rusiye, xitay we hindistanning tashqi ishlar ministirliri peyshenbe küni qazaqistanning alma'ata shehiride bir arigha kilip, térrorchiliqqa qarshi hemkarliqni kücheytidighanliqini bildürdi.

Amérika birleshme axbarat agéntliqning xewirige qarighanda, rusiye tashqi ishlar ministiri sérgiy lawrof, xitay we hindistan tashqi ishlar ministirliki bilen afghansitan we iraq weziyiti, zeherlik chikimlikke qarshi turush mesililiridimu söhbetleshkenlikini bildürgen.

Xitay tashqi ishlar ministiri li jawshing, yadro qoralgha ige bu üch chong döletning yene énérgiye hemkarliqini kücheytish heqqidimu muzakire élip barghanliqini körsetken.

Bu üch döletning rehberliri jüme küni alma'atada échilidighan asiyada ishench turghuzush we hemkarliqni kücheytish kéngishige eza döletlerning tashqi ishlar ministirlirining yighinigha qatnishish üchün qazaqistan'gha kelgen idi. Mezkür kéngeshtiki 17 döletning jüme künidiki yighinida rayunning bixeterlikini kücheytidighan bir pilanni qubul qilidighanliqi bildürülmekte. (Arzu)