Шаңхәй һәмкарлиқ тәшкилати ташқи ишлар башлиқлири йиғини өткүзүлди


2005.02.27
Share on WhatsApp
Share on WhatsApp

Оттура асия дөләтлиридики демократик сайлам вәзийити җиддийлишип, демократийә билән һакиммутләқлиқ арисидики күрәшләр өткүрлишиватқан бу күнләрдә 25-феврал күни қазақистанниң пайтәхти астана шәһиридә шаңхәй һәмкарлиқ тәшкилатиға әза дөләтләр ташқи ишлар министирлириниң йиғини болуп өтти.

Хәвәрләргә қариғанда мәзкур йиғинда шаңхәй һәмкарлиқ тәшкилати дөләтлириниң алий рәһбәрлириниң учришиш вақти, орни һәм мәқсити бекитилгән. Мәзкур йиғин бу йил 7-айниң 5-6-күнлири астанада өткүзилидикән . Униңда оттура асияни ядросиз район қилиш һәққидики бир қатар һөҗҗәтләргә қол қойилидикән һәмдә иран вә пакистанни бу тәшкилатқа киргүзүш мәсилилириниңму музакирә қилиниши мумкин икән.

Хәвәрдин ашкарилинишичә, бу қетим иран билән пакистан шаңхәй һәмкарлиқ тәшкилатиға қатнишиш үчүн рәсми тәклип сунған. Униңдин илгири болса моңғулийә бу тәшкилаттики күзәткүчилик орниға еришкән иди.

Астанада өткүзилгән бу қетимқи йиғинда йәнә, шаңхәй һәмкарлиқ тәшкилатиниң шәрқий җәнубий асия мәмликәтлири бирлики, мустәқил дөләтләр һәмдостлуқи һәмдә афғанистан һөкүмити билән һәмкарлишиш һәққидики әсләтмигә қол қоюлған.

Русийә ташқи ишлар минситири лавроп мәзкур тәшкилатниң буниңдин кейин шималий атлантик окян әһди тәшкилати биләнму һәмкарлишиши мумкинликини көрсәткән. Чүнки һазир шималий атлантик окян әһди тәшкилати оттура асия мәмликәтлири билән зич иш бирлики елип барған болуп, хитай вә русийә буниңдин биарам болмақта. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.