Shangxey hemkarliq teshkilati tashqi ishlar bashliqliri yighini ötküzüldi


2005.02.27
Share on WhatsApp
Share on WhatsApp

Ottura asiya döletliridiki démokratik saylam weziyiti jiddiyliship, démokratiye bilen hakimmutleqliq arisidiki küreshler ötkürlishiwatqan bu künlerde 25-féwral küni qazaqistanning paytexti astana shehiride shangxey hemkarliq teshkilatigha eza döletler tashqi ishlar ministirlirining yighini bolup ötti.

Xewerlerge qarighanda mezkur yighinda shangxey hemkarliq teshkilati döletlirining aliy rehberlirining uchrishish waqti, orni hem meqsiti békitilgen. Mezkur yighin bu yil 7-ayning 5-6-künliri astanada ötküzilidiken . Uningda ottura asiyani yadrosiz rayon qilish heqqidiki bir qatar höjjetlerge qol qoyilidiken hemde iran we pakistanni bu teshkilatqa kirgüzüsh mesililiriningmu muzakire qilinishi mumkin iken.

Xewerdin ashkarilinishiche, bu qétim iran bilen pakistan shangxey hemkarliq teshkilatigha qatnishish üchün resmi teklip sun'ghan. Uningdin ilgiri bolsa mongghuliye bu teshkilattiki küzetküchilik ornigha érishken idi.

Astanada ötküzilgen bu qétimqi yighinda yene, shangxey hemkarliq teshkilatining sherqiy jenubiy asiya memliketliri birliki, musteqil döletler hemdostluqi hemde afghanistan hökümiti bilen hemkarlishish heqqidiki esletmige qol qoyulghan.

Rusiye tashqi ishlar minsitiri lawrop mezkur teshkilatning buningdin kéyin shimaliy atlantik okyan ehdi teshkilati bilenmu hemkarlishishi mumkinlikini körsetken. Chünki hazir shimaliy atlantik okyan ehdi teshkilati ottura asiya memliketliri bilen zich ish birliki élip barghan bolup, xitay we rusiye buningdin bi'aram bolmaqta. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.