Ву йи президент рахманов билән хитай - таҗик һәмкарлиқини сөзләшти


2005.07.21

Хитайниң муавин баш министири ву йи, пәйшәнбә күни таҗикистан пайтәхти дүшәнбидә президент имам әли рахманов билән көрүшүп, хитай - таҗикистан һәмкарлиқини күчәйтиш мәсилилири бойичә сөһбәт елип барди. Таҗикистан ву йиниң қазақистан, өзбекистан вә түрмәнистанлардин кейин елип барған оттура асия зияритиниң ахирқи бекити.

Таҗистан президентиниң ахбарат катипи абдуфатах шәриповниң ашкарилишичә, икки тәрәп таҗикистандики нефит, тәбиий газ вә һедро - енергийә мәнбәәлирини тәң ечиш бойичә һәмкарлиқ елип беришни музакирә қилған. Бу җәрянда ву йи таҗикистанға 20 милйон доллар бәрди.

Таҗикистан сода- иқтисад министири һаким солийевниң ашкарилишичә, 20 милйон долларниң бир қисими пайтәхт дүшәнбиниң 90 километир җәнубидики шар - шар тонилини ясаш, бир қисими таҗик оқуғучиларниң хитайда маарип тәрбийиси елиши үчүн берилгән.

Таҗикистан шаңхәй һәмкарлиқ тәшкилати 6 дөләтниң бири. Шаңхәй һәмкарлиқ тәшкилати дөләтләр йеқинда қазақистан пайтәхти астанида йиғин ечип, америкини оттура асиядин қошун чекиндүрүшкә чақирған иди. Әмма америка армийиси штаб башлиқлар бирләшмисиниң рәиси генерал палковник майирсниң тәкитлишичә, хитай оттура асия дөләтлирини америкидин қошун чекиндүрүшини тәләп қилишқа қистимақтикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.