Wu yi prézidént raxmanow bilen xitay - tajik hemkarliqini sözleshti


2005.07.21

Xitayning mu'awin bash ministiri wu yi, peyshenbe küni tajikistan paytexti düshenbide prézidént imam eli raxmanow bilen körüshüp, xitay - tajikistan hemkarliqini kücheytish mesililiri boyiche söhbet élip bardi. Tajikistan wu yining qazaqistan, özbékistan we türmenistanlardin kéyin élip barghan ottura asiya ziyaritining axirqi békiti.

Tajistan prézidéntining axbarat katipi abdufatax sheripowning ashkarilishiche, ikki terep tajikistandiki néfit, tebi'iy gaz we hédro - énérgiye menbe'elirini teng échish boyiche hemkarliq élip bérishni muzakire qilghan. Bu jeryanda wu yi tajikistan'gha 20 milyon dollar berdi.

Tajikistan soda- iqtisad ministiri hakim soliyéwning ashkarilishiche, 20 milyon dollarning bir qisimi paytext düshenbining 90 kilométir jenubidiki shar - shar tonilini yasash, bir qisimi tajik oqughuchilarning xitayda ma'arip terbiyisi élishi üchün bérilgen.

Tajikistan shangxey hemkarliq teshkilati 6 döletning biri. Shangxey hemkarliq teshkilati döletler yéqinda qazaqistan paytexti astanida yighin échip, amérikini ottura asiyadin qoshun chékindürüshke chaqirghan idi. Emma amérika armiyisi shtab bashliqlar birleshmisining re'isi général palkownik mayirsning tekitlishiche, xitay ottura asiya döletlirini amérikidin qoshun chékindürüshini telep qilishqa qistimaqtiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.