Русийә вә қирғизистан өз-ара һәмкарлиқини күчәйтидикән

Русийә президенти владимир путин вә қирғизистан президенти қурманбек бақийиф дүшәнбә күни киримлдики учришишида икки дөләт оттурисидики һәмкарлиқини техиму күчәйтиш мәсилсидә келишти.

Америка бирләшмә агентлиқиниң хәвәр қилишичә, русийини зиярәт қиливатқан қирғизистан президенти бақийеф вә русийә президенти путин, болупму икки дөләт арисида мәбләғ селиш, електир қувити, тәбиий газ қедириш вә кан ичиш саһәсидә һәмкарлиқни күчәйтишни қарар қилған.

Бу президент бақийефниң, қирғизистан президенти болуп сайланғандин кейин, чәт бир дөләткә қаратқан тунҗи зиярити һесаблиниду.

Хәвәрләргә қариғанда, бақийеф америка вә русийиниң қирғизистандики мәнпәтини тәңпуңлаштурушқа тиришмақта. Америка вә русийиниң қирғизистанда һәрбий базиси бар. Бақийиф дүшәнбә күни москвада бәргән баянатида, миниңчә, бизниң һәммә тәрәпниң қоллишиға еришиватқанлиқимиз дөлитимизгә чоқум яхши нәтиҗиләр елип келиду,деди

Русийә вә хитайниң башқурушидики шаңхәй һәмкарлиқ тәшкилати қирғизистан һөкүмитигә, қирғизистандики америка һәрбий қисимлирини сиқип чиқириш үчүн бесим ишләтмәктә. Өзбекистан болса, аллиқачан америкиға өзбекистандики һәрбий қисимлирини елип чиқип кетишини билдүргән.(Қанат)