Таҗикистан, өзбекистандин чекинидиған америка қошунлирини күтүвелишқа тәйяр


2005.09.16
Share on WhatsApp
Share on WhatsApp

Таҗикистанда һакимийәт бешидики сияси партийә, өзбекистандин чекинидиған америка һәрбий хадимлири вә һәрбий әслиһәлириниң бир қисимини таҗикситанға орунлаштуруш вә күтүвелишқа тәйяр, дәп көрсәтти.

Америка өзбекистан һөкүмитиниң бу йил 5 - айда әнҗандики намайишчиларни бастуруш һәрикитини ашкарә тәнқид қилғандин кейин, керимоф һөкүмити ханабад һәрби базисидики америка қошунлириниң 6 ай ичидә өзбекистандин айрилишини тәләп қилған.

Америка ханабад һава армийә базисидики қошунлирини йөткәйдиған йеңи базиға иһтияҗи бар- йоқлиқини һазирғичә тилға алмиди. Әмма қирғизистандики һәрбий база билән афғанистандики базиларниң тақалмайдиғанлиқини билдүрмәктә.

Таҗикистанда һакимийәт бешидики хәлқ демократийә партийисиниң муавин рәиси дәвләт әли дәвләтов, ройтерс ахбарат агентлиқиға "сияси вәзийәтниң қандақ болушидин қәтий нәзәр, биз америка билән йеқиндин һәмкарлишимиз. Сияситимиз хошнилиримизға охшаш өзгәрмиди," дәп тәкитлигән.

Әмма ройтерс ахбарат агентлиқиниң дүшәнбидики ғәрб дипломатлириниң сөзини нәқил кәлтүрүшичә, америка һазирғичә өзбекистандики қошунлирини таҗикистанға орунлаштурушни қарар қилмиған.

Таҗикистан бу йил 7 - айда америкидин оттура асиядики базилирини тақашни тәләп қилған шаңхәй гуруһидики дөләтләрниң бири иди. Дәвләт әли дәвләтов, русийиниң бу мәсилидики позитсийиси "муһим," дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт