Шаңхәй һәмкарлиқ тәшкилатиниң баш министирлири москвада йиғилди


2005.10.25

Шаңхәй һәмкарлиқ тәшкилатиға әза дөләтләрниң баш министирлири сәйшәнбә күни москвада учришип, районниң бихәтәрлик мәсилилирини музакирә қилди.

Франсийә ахбарат агентлиқиниң русийә ташқи ишлар министирлиқи баянатчисиниң сөзини нәқил кәлтүрүшичә, һәр қайси дөләт рәһбәрлири бу райондики "диний радикаллар" вә "террорчилар" ниң тәһдитини азайтишни үмид қилидикән.

Хитай уйғурларни, русийә чечәнләрни "террорчилар" дәп қарилап, уларниң мустәқиллиқ паалийәтлирини чәкләшкә урунуп кәлмәктә.

Хәвәргә қариғанда, хитай вә русийә йитәкчиликидики шаңхәй һәмкарлиқ тәшкилатиниң икки күнлүк йиғиниға йәнә пакистан, һиндистан вә иранму көзәткүчи салаһийити билән қатнашти. Уларниң бир йүрүш иқтисадий вә енергийә һәмкарлиқ келишимлирини имзалайдиғанлиқи билдүрүлмәктә.

Көзәткүчиләр, шаңхәй һәмкарлиқ тәшкилатиниң барғансири америкиниң оттура асиядики тәсир күчини чәткә қеқиватқанлиқини билдүрмәктә. Шаңхәй һәмкарлиқ тәшкилати бу йил 7 - айдики йиғинида, америкини өзбекистандики қошунлирини чекиндүрүшни тәләп қилған иди.

Русийә етар- тас агентлиқиниң йиғинға қатнишиш үчүн москваға кәлгән пакистан баш министириниң сөзини нәқил кәлтүрүшичә, нөвәттә пакистанму шаңхәй һәмкарлиқ тәшкилатиниң рәсмий әзаси болушни халаватқан икән. (Арзу)

© 2005 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.