Shangxey hemkarliq teshkilatining bash ministirliri moskwada yighildi


2005.10.25

Shangxey hemkarliq teshkilatigha eza döletlerning bash ministirliri seyshenbe küni moskwada uchriship, rayonning bixeterlik mesililirini muzakire qildi.

Fransiye axbarat agéntliqining rusiye tashqi ishlar ministirliqi bayanatchisining sözini neqil keltürüshiche, her qaysi dölet rehberliri bu rayondiki "diniy radikallar" we "térrorchilar" ning tehditini azaytishni ümid qilidiken.

Xitay Uyghurlarni, rusiye chéchenlerni "térrorchilar" dep qarilap, ularning musteqilliq pa'aliyetlirini chekleshke urunup kelmekte.

Xewerge qarighanda, xitay we rusiye yitekchilikidiki shangxey hemkarliq teshkilatining ikki künlük yighinigha yene pakistan, hindistan we iranmu közetküchi salahiyiti bilen qatnashti. Ularning bir yürüsh iqtisadiy we énérgiye hemkarliq kélishimlirini imzalaydighanliqi bildürülmekte.

Közetküchiler, shangxey hemkarliq teshkilatining barghansiri amérikining ottura asiyadiki tesir küchini chetke qéqiwatqanliqini bildürmekte. Shangxey hemkarliq teshkilati bu yil 7 - aydiki yighinida, amérikini özbékistandiki qoshunlirini chékindürüshni telep qilghan idi.

Rusiye étar- tas agéntliqining yighin'gha qatnishish üchün moskwagha kelgen pakistan bash ministirining sözini neqil keltürüshiche, nöwette pakistanmu shangxey hemkarliq teshkilatining resmiy ezasi bolushni xalawatqan iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.